*
صباح الخير ..
وتخنقني حبال الذاكرة ،
وامضي ادوّرهم ..
يا فيروز .. اسكتي ؛ اسمع خطاويهم !
ولا تسكت ،
واضيّعهم !
والاقيهم !!
على آخر هالنفق " مقفين " الاقيهم ،
واناديهم !
ويعبر هالمدى صوتي ،
ويتسلل لهم .. يحضن أذانيهم :
أنا : أحمد !
تركتوني ورحتوا ..
ما أخذتوني !
عرفتوني !
عرفتوني !
عرفتوني !
وتعتقني حبال الذاكرة : اصحى ؟
............. ( صبا ا ا ا ح الخيّر ) ..!
غير ضيق صدور حبك وش يجيب ؟
لا تضيق هالفضا فيني .. أمانة !
هذا انا كل ما يجي غالي ، يغيب !
ويغرس ذكرى زمانه في مكانه ..
كل ما أسقيتها .. جرحي يطيب ،
وكل ما يبست بكى جرحي زمانه !
عشت ببلادي عن بلادي غريب .
كل شي يمرّني : سابق أوانه ..
والغريب يكون بِ الغربة أديب ،
ما يمرّ الليل به في حضن حانة !
ينشر أحلامه على حبل النصيب ..
في رجا يومٍ قضى عمره عشانه ..
في غصن صدره بنى عش لحبيب ,
طاحت اعواده وفقر الحال خانه !يختنق , لا بانت الوان المغيب ،
وكل صبح يعيد لِ البال اتّزانه ..
جاي تطلب مني ابقى لك قريب ،
وامنيات القرب في عمري جبانة !
لا تمنّيني احب ، وانت اللبيب ..
لك عميق القلب يبدي امتنانه ..
(
ماني بناقص احب ارجوك , غيب ! )
قبل احبك .. لا تعلقّني ، أمانة !!
اسكب على ليل الطريق الضي !
اسقِ الأماني مي !
سوّ ايّ شي !
مـَ اقدر على هذا العمر " وحدي " ؛
اكبر معاي شوي !
الحب يحتاج لِ زمان اقدم من الماضي ،
واصدق من الحاضر ،
واجمل من القادم ،
عشان احبك فيه !
الحب يحتاج لِ تعب كثر العتب منّك !
ولا تزعل ان ما جيت ..
ازعل انا عنك !
وان مرّتك غفوة زعل ؛
طالبك ..
تكفى ( عيّ ) !!
واكبر معاي شوي !أحمد التيمآن
[ندعوك للتسجيل في المنتدى أو التعريف بنفسك لمعاينة هذه الصورة]