..![ وامنيات القرب في عمري جبانة .! ]!..

*









غير ضيق صدور حبك وش يجيب ؟
لا تضيق هالفضا فيني .. أمانة !


هذا انا كل ما يجي غالي ، يغيب !
ويغرس ذكرى زمانه في مكانه ..


كل ما أسقيتها .. جرحي يطيب ،
وكل ما يبست بكى جرحي زمانه !


عشت ببلادي عن بلادي غريب .
كل شي يمرّني : سابق أوانه ..


والغريب يكون بِ الغربة أديب ،
ما يمرّ الليل به في حضن حانة !


ينشر أحلامه على حبل النصيب ..
في رجا يومٍ قضى عمره عشانه ..


في غصن صدره بنى عش لحبيب ,
طاحت اعواده وفقر الحال خانه !


يختنق , لا بانت الوان المغيب ،
وكل صبح يعيد لِ البال اتّزانه ..


جاي تطلب مني ابقى لك قريب ،
وامنيات القرب في عمري جبانة !


لا تمنّيني احب ، وانت اللبيب ..
لك عميق القلب يبدي امتنانه ..


( ماني بناقص احب ارجوك , غيب ! )
قبل احبك .. لا تعلقّني ، أمانة !!



اسكب على ليل الطريق الضي !
اسقِ الأماني مي !
سوّ ايّ شي !
مـَ اقدر على هذا العمر " وحدي " ؛
اكبر معاي شوي !

الحب يحتاج لِ زمان اقدم من الماضي ،
واصدق من الحاضر ،
واجمل من القادم ،
عشان احبك فيه !

الحب يحتاج لِ تعب كثر العتب منّك !
ولا تزعل ان ما جيت ..
ازعل انا عنك !
وان مرّتك غفوة زعل ؛
طالبك ..
تكفى ( عيّ ) !!
واكبر معاي شوي !


أحمد التيمآن [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

اسكب على ليل الطريق الضي !
اسقِ الأماني مي !
سوّ ايّ شي !
مـَ اقدر على هذا العمر " وحدي " ؛
اكبر معاي شوي !

شئ جميييل ..
يعطييك ربي آالف عآافية

اقتباس :

في غصن صدره بنى عش لحبيب ,
طاحت اعواده وفقر الحال خانه !


يختنق , لا بانت الوان المغيب ،
وكل صبح يعيد لِ البال اتّزانه ..

^
^
تشبيه رـآئع ..

مششكوووور رويـــآل عـ الذووق [ندعوك للتسجيل في المنتدى أو التعريف بنفسك لمعاينة هذه الصورة] ..

و صح لســـآن الشــآ عر [ندعوك للتسجيل في المنتدى أو التعريف بنفسك لمعاينة هذه الصورة] ..

سسلمت أخـــويــ [ندعوك للتسجيل في المنتدى أو التعريف بنفسك لمعاينة هذه الصورة] ..

..